عن الكنب الشيك و فائق الجودة!

في نوع من “الكنب” خطير جداً! دايماً دبلوماسي .. دايماً مابيخدش صف معين!
لبق و مضطلع! تسمع كلامه مرة يعجبك و مرة يأثر فيك و مرات كتير ترفضه .. و لكن لذكاءه يخليك تقول إننا خطائين.. و يخليك تفضل شايله في ذهنك في تصنيف غير وضعه الحقيقي!

بيعتمد على آليات كتير .. بيعتمد على إنه مايفصّلش كتير و يتكلم في العام و المجرد أكتر عشان ماتقدرش تمسكله على غلطه أوي.
بيعتمد على إنه ياخد صفك كتير (أو أن يبدو لك ان واخد صفك) عشان لما يحضر الهجوم المضاد تستقبله أسهل
بيعتمد على التسفيه أحياناً من رأيه ليسفه بصورة غير مباشرة من رأيك
بيدس السم في العسل يعني عشان ننجز

لو تابعت آراءه المجمعة على فترة طويلة .. و حاولت تستفزه ليتحدث بتلقائيه أكتر حيظهر لك واضحاً انه كنبة .. و كبيرة أوي .. و شيك أوي كمان!
و بما إننا في فترة عصيبة .. تصنيف الكنب اللي من النوع ده في غير موضعهم حيسبب لناس كتير توهان فظيع!
بالتالي من الضروري جداً إن الواحد ينتقي ما يتعرض له! مش مطلوب إنك ترفض شخصه! لكن تتربص له أكتر و تبقى أوعى نقدياً في التعامل معاه

و كما قال المناضل صلاح خلاف : أخشى ما أخشاه أن تصبح الخيانة وجهة نظر

و ده اللي بيحصل حالياً .. تحت غطاء التنظير, و مذهب المنفعة, و الحكمة و الحنكة و إلى آخره!
بيتم بمنتهى البراعة و الضمنية تحويل و تكييف ما بدا للوهلة الأولى انه خيانة/فساد/ضلال غير قابل للنقاش إلى الرأي الآخر .. مما يسهل تقبله و تمريره
و ده اللي بيحصل من أول الثورة واحدة واحدة لحد ما بوادر نجاح الأسلوب ده ظهرت من شهور و اكتسح مؤخراً

الأهم ان الواحد لازم يصحصح مع كل حاجة بيتعامل معاها.
و مفيش أي مانع ان يكون كاتب الكلام ده او أي كلام مشابه هو الكنبة نفسه! اللي بيتحايل في الوقت ده على أدمغة الناس على أعلى مستوى في محاولة فيها مخاطرة عالية منه بس ناتجها إن نجح حيبقى الأقوى في التأثير على الآخرين .. من ناحية إزالة الغبار على اي فساد في فكره و طعن كل الآراء المقابلة أقوى طعنة وجهت إليها!

و ربنا يهدينا جميعاً

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: